امبارح منصور أتقتل علي الحدود

انت ما تعرفوش

اصله مابيطلعش في التلفزيون

وماعندوش حساب علي الفيس بوك

ومش مشترك في حزب

ومألوش صور في التحرير وهو رافع العلم

وماعندوش حساب علي تويتر وكاتب فيه ناشط سياسي

لكنه موجود جنبك في المواصلات العامة بيجري علشان يلحق القطر في المحطة او ميكروباص او أتوبيس

لابس الافرول والبياده الميري وواقف تحت حرارة الشمس والعرق في كل جسمه وشايل سلاحه وبيحرس الحدود

كل ده وانت ما تعرفوش

قاعد وراء الكي بورد يوميا تهدم في بلدك بتشرب قهوة لاتيه او موكه في الكافيه

لا انت بتضحي لبلدك ولا بتساهم بعمل يساهم في إصلاح البلد

ومنصور عبد القادر لابس الافرول علي الحدود يحميك

امبارح منصور أتقتل علي الحدود

اللي واقف كان واقف علي الحدود يحميك

وانت كل اللي عملته انك سمعت الخبر وطلبت فنجان لاتيه في الكافيه

عايز تعرف مين بقي البطل الثوري الوطني اللي خدم بلده من غير مقابل علشان بلده تعيش

اسمه منصور عبد القادر مجند فلاح من كفر الدراويش

عايز تعرف بقي مين فعلا الشهيد
منصور هو الشهيد مات علشان انت وأهلك وبلده تعيش

منصور مات شهيد