صلي علي النبي يا جميل يامتدلع

صلي علي النبي يا جميل يامتدلع

الدراما علي تويتر وفيس بوك وفي الشارع باتهام ظباط الداخلية بنزع الورقة من التاكسيات في الاسكندرية المكتوب بها ( هل صَلَّيْتَ علي النبي اليوم). واللي بيقولك الداخلية بتشيل الورقة علشان الاخوان هما اللي عملينها واللي بيقولك الورقة متعلقة بالعند في المسيحيين واللي بيقولك الداخلية بتحارب الاسلام وكلام كتير يثبت مما لا يدع مجالا للشك اننا امام مأساة حقيقية في مصر أخلاقية وتعليمية لا امة اقرأ – التي لا تقرأ – وأصبحت نسبة كبيرة منهم لاتفهم .
هل المطلوب مني عندما اري هذه الورقة معلقة علي التاكسي ان اصلي علي الرسول عليه السلام ترديد مثل الببغاء دون فهم ،،،
لماذا يقوم ساءق التاكسي بوضع هذه الورقة وهو لا يستخدم عداد التاكسي الحق القانوني للمواطن ولماذا يدخن الساءق في التاكسي حتي لو الراكب لايدخن ولماذا لا يقتنع الساءق بثمن الأجرة ويطلب المزيد ويتعلل بارتفاع الأسعار وكان الراكب هو المسؤول عن ارتفاع الأسعار ولماذا يتحول الساءق الي حيوان عدواني يسب ويلعن الراكب اذا لم يحصل علي ثمن الأجرة الذي يطمع فيه الساءق ولماذا يحول ساءق التاكسي العربية الي حفلة موسيقية للأغاني البذيئة ،
، كل ده وبيطلب مني انا اصلي علي النبي طيب أبدا بنفسك ده انت اللي معلق الورقة وخليك محترم في السلوك والتعامل والآداب والأخلاق لهدي النبي عليه السلام ولا هو كلام في كلام في كلام ومفيش أفعال هي الناس دي عندها شيزوفرنيا ،،،، خليك انت قدوة للآخرين حتي ينصلح حال المجتمع وبعدين ايه العنصرية اللي أنتم فيها دي ليه مفيش صلي علي الرسل أجمعين مش الاسلام طلب مننا الإيمان بالرسل ولا انت بتختاراللي علي مزاجك ،،،
وبعدين ايه علاقة صلي علي النبي وانت بتعاكس واحدة وتقول لها يا جميل يامدلع مش ده حرام احترم نفسك يا اخي هي دي برضه أخلاق النبي عليه السلام وتلاقي ناس في ماتش كورة وبيرقصوا ويغنواا ويقولوا صلي علي النبي ايه الجهل والتخلف اللي أنتم فيه ده ايه علاقة سيد الخلق بالمسخرة اللي أنتم فيها دي ،،، لماذا لا تقرأها الاول سيرة النبي عليه السلام قبل ما تعلق اي حاجة انت مش فاهم معناها،،،،
كل ده وبيتهموا الداخلية بأنهم بيحاربوا الاسلام ،،، اللي بيحارب الاسلام والسلم الاجتماعي هو جهلك وتخلفك بلاش التجارة بالدين ومنظرة علي الفاضي شكلا بأنك متدين ومعلق ورقة تطلب الصلاة علي النبي وانت لاتتحلي بجمال خلق النبي عليه السلام
أبدا بنفسك يامصري
أفيقوا يرحمكم الله ،،،،،،

عيشوا بشرف جتكواااا القرف
Alexmanhatten.com
Khaled Eibid