تحدي الدم و الرمل والزلط في الوطن العربي

بس عشان الناس تكون عارفه يعنى ايه تحدى التلج دا وليه الناس في الغرب بترمي علي نفسها الثلج وما يقلدوش وخلاص فى مرض اسمه التصلب العضلى واعراضه مشابهه بالاحساس اللى بتحسه لو كبيت على نفسك ميه بتلج. فاللى بيعمل التحدى دا بيجرب الاحساس اللى مصابين بالمرض دا وبعد كدا بيتبرعوا لجمعيات خيريه بتعالج المرض. طبعا دا عند الغرب وفى اوروبا ،
فالاولى بينا احنا في الشرق اننا نعمل تحدى الدم وكل واحد يكب على نفسه جردل دم عشان يحس باهل غزه واطفالها الابرياء او أهل سوريا اللي ماتوا ولسه بيموتوااا او أهل العراق اللي ماتوا ايام صدام وبعد صدام ايام الغزو وبيموتواااا لحد الان بأيد تطرف داعش دا لو فى حد من العرب عنده احساس اصلا .وعنده دم ولو مفيش دم ارمي علي نفسك جردل رمل وزلط عشان يحس بالناس اللى انهدت بيوتهم عليهم واندفنوا تحت الانقاض في كل الدول العربية سوريا وفلسطين وليبيا والعراق وتونس واليمن وغزة دول كتير قوي ولو مفيش زلط ورمل افتح الشباك علي الغروب في اي دولة عربية وخبط غطيان حلة الأكل في بعضهم البعض تعبيرا عن غضبك ضد موت كثير من ابناء الوطن العربي من الجوع والعطش كلاجئين او مواطنين ودعوة ضد القتل الجماعي واستباحة دماء العربي لأخيه وبدء حوار سلمي ودعوة لمصالحة عامة ووقفة مع النفس والتوقف عن القتل الهمجي لأسباب دينية وسياسة وشخصية وتصفية جماعية لابناء الوطن العربي لبعضهم البعض ،،،، انها دعوة للتعايش السلمي فيما بيننا بعيدا عن القتل واستباحة الدماء اعمل حاجة يامصري عبر عن غضبك انت وكل العرب وأبناء العروبة اكتب ورقة وانشرها علي الفيس او تويتر انشر الفكرة هي فكرتنا كلنا حياتنا كلنا حريتنا كلنا ،،، اعمل حاجة خلي العالم يسمع صوتك خليك إيجابي عبر عن نفسك قول رأيك ،،،

Khaled Eibid
Wwww.alexmanhatten .com ،