اكذوبة الكورنيش
كنت ماشي علي الكورنيش في إسكندرية وشوفت اتوبيس نقل عام والنَّاس عرفتني وكان في زفة اسكندراني بتقول تيران وصنافير مصرية واحنا جدعان اسكندرانية ،،،، فدخلت عليهم و عرفوني ،،،، وقولتهم الزفّة دي مش عجباني ،،،،هاتوا فلوسي وارجع مكاني وانا مش اسكندراني ،،، انا من المنوفية وكمان رئيس الجمهورية ،، وعندي احلام يقظة وردية ،،، ومش حتاخد مني غير حوار وتمثيلية ،،،، ومعاهم خطبة سياسية ،،عن مشاريع وهمية واحلام رومانسية ،،، والبلد بترجع للخلف في سرعة جهنمية ،،،وهية زي ماهية مصر والفساد وانهيار الاقتصاد والحرامية والقمع والبلطجية ،،،
وشوفت قوي الشر بتاكل بطاطا علي كورنيش إسكندرية والشعب قال اوع تخاف انت الرئيس ماتخفش ،،، اشتري قرطاس ترمس من جنب الراجل بتاع البطاطا وبكده تحارب قوي الشر بالقرطاس ،،، وتنتصر ،، وابتسمت ابتسامة عريضة فشيخة وعرفت ان الشعب بيحب القرطاس ،،،، وقام الجميع يغني ياتجيب الشيكولاته يابلاش ياوله ،،، روح رجع البطاطا يابلاش ياوله ،،،،،وهزمنا قوي الشر بتوع البطاطا بالشيكولاته
وتحيا ماسر بدون تيران وصنافير وتحيا ماسر والحريّة للجدعان
خالد عبيد
Khaled Eibid
Www.alexmanhatten.com
alexmanhatten 