السيسي والعادلي وعيد الام
كل عيد ام وانت طيبة ياأمي وانا أسف ان الهدية السنة دي قاسية ومؤلمة ومش ناسي كلمتك لي أوع تروح المظاهرات النظام ده مفيش حد بيحاسبه وكلمة عدل عندهم اتلغت من قاموس لغتهم دول هوايتهم القتل والتعذيب وثقافة العنف والكراهية والولاء الاعمي للنظام الفاسد والسلطة الفاسدة ،،،. انا كنت فاهم كلامك ياأمي بس كان لازم من المحاولة من اجل التغيير ،،،، ياابني رجال الدين قالوا التغيير كلمة مطاطة بداخلها اهداف منها هدم الوطن والسماح للشواذ بالزواج وغيرها دي كلمة غريبة علينا ،،،، ياأمي دول رجال الدين بتوع السلطة اللي بيصدروا فتاوي تخدم مصالحهم ومصالح حكامهم،،، ياأمي الدنيا كلها بتتقدم واحنا بنرجع للخلف والفساد في كل مكان والشعب يريد تغيير النظام ،،
ياابني النظام هو الدولة أنتوا عايزين تهدوا الدولة ،،، ياأمي احنا عايزين دولة قوية من غير فساد بنظام افضل ومساواة وعدالة اجتماعية وحرية في التعبير من غير قيود واعتقال وتعذيب وسجون وقتل ،،،ياابني وانت عايز كل ده ليه ،، ياأمي علشان دي بلدي وانا لي حقوق فيها ،، بدل ماانا قاعد في البيت من غير شغل علشان الفساد والمحسوبية خلي ابن الباشا وابن البيه ياخدوا فرصة عملي وتفوقي ويستحوذوا علي كل الفرص الحقيقية في السلك الدبلوماسي والنيابة والوظايف السيادية كلها بالمحسوبية والرشوة وانا اشتغل جرسون بالاقتصاد والعلوم السياسية ،، يبقي من حقي أني اخرج واطالب بالتغيير ،، ،ياابني ماانت عايش معايا في شقة ابوك بعد مامات اتجوز فيها وانا مش عايزه المعاش خده انت ومراتك ونعيش من غير مظاهرات وحرية وعدالة اجتماعية وبكره تكبر في شغلتك وتبقي مترودوتيل قد الدنيا ،،ياأمي عايزاني أكرر غلطة والدي الله يرحمه في الخنوع للنظام الفاسد انا مش ممكن اخلي أولادي ضحية لخنوعي وضعفي ،،، انا مطالبي واضحة ومحددة عيش وحرية وعدالة اجتماعية ،، وخرج ابن مصر واستشهد برصاص الداخلية ومات معه الآلاف من ابناء الوطن كان كل حلمهم عيش وحرية وعدالة اجتماعية ،،، وتم قيد الجريمة ضد مجهول لعدم توافر الأدلة والضحية شباب كان يحلم بوطن يستطيع من خلاله ان يحقق حلمه فسقط علي الارض غرقا في دماءه ومات الحلم وضاع الأمل وفقدت الام الابن وضاعت القضية وخرج ابطال الداخلية براءة لعدم كفاية الأدلة وتم تقديم الهدية الأكبر اليوم لاام الشهيد في عيد الام بالسماح لوزير الداخلية ومدير مباحث امن الدولة وأكثر وزراء الداخلية قمعا وتعذيبا براءة في عيد الام ،، وانا أسف ياأمي الهدية قاسية عليكي وتخلوا من الانسانية والاحترام للأدمية في يوم عيدك وانا أسف ياأمي انني لم أحقق حلم كل شبابك بالعيش والحرية والعدالة الاجتماعية وتغيير النظام وانا أسف ان الشعب الان يريد الانتظار وليس تغيير النظام لمدة عشرة سنوات حتي بناء العاصمة الإدارية ،، أسف ياأمي مصر علي التخاذل والنسيان وضياع الأحلام والآمال ،،، أسف علي الالم والامل ،، أسف علي الحزن والخزي ،،، أسف علي ضياع حق ولادك يوم ميلادك ،،
خالد عبيد
Khaled Eibid
Www.alexmanhatten.com
alexmanhatten 