العمدة : مش دى البت فكيهة مرات
الواد على أبو حسنين !
خفير: أيوه .
العمدة : ياأخويا البت دى ما بتلحقش تولد ويادوبك تحبل .
الجميع : ربنا يديك الخلف الصالح .
العمدة : شوطة تلم عيال البلد كلها … يافكيهة .
العمدة : رايحة فين يابت بالفراخ دى ؟
فكيهة : رايحة السوق أبيعهم
العمدة : هما كام ؟
وفكيهة تحمل قفص دواجن وبجوارها ولديها
العمدة : عايزة فيهم كام ؟
خفير : ماعايزاش ولا حاجة فكيهة خدامتك .
العمدة : حدَ الله ! أنا ماأكلش سحت ولا أدخَل بيتى سحت …… هو الواد إبنك ماجاش الفرز ليه ؟
فكيهة : أنهى فرز ؟
العمدة : فرز الجهادية . إسمه موجود فى الكشف .
فكيهة : انهى كشف ؟
الخفير : كشف الحكومة ياوليه
فكيهة : حكومة ! أنهى حكومة ؟
الخفير : ياولية ماتوديش نفسك فى داهية .
فكيهة : ده أنا إبنى لسه عيل فى رمضان الجاى هايتم الحداشر .
العمدة : ياوليه بلاش مغالطة هى دى إتاوة كمان هاتتهربوا منها , ده الفرز واجب . دى خدمة الوطن من الإيمان .
الجميع : ربنا يقوى إيمانك ياعمدة .
العمدة : حا .
الخفير : أوعى ياوليه .
العمدة : حا .
الخفير : إنتى عاوزة إبنك يفلت من الفرز .
فكيهة : ده انا أبوس إيدك .
الخفير : العمدة قلبه أبيض والبيه المأمور هايتغدى عنده النهارده وهاتبقى فرصة والبيه المأمور راجل طيب وبيحب البط موت .
فكيهة : ده انا اطبخه واحمره واوديهله بأديا .
الخفير : لا خللى عنك إنتى .
هو ده واد راخر .
فكيهة : أيوه .
الخفير : طيب ناولينى القفض ناولى عشان يعمو عن ولادك كلهم .
alexmanhatten 