الأرض العطشانة نرويها بدمانا

وبعدين ! دلوقتى بقينا فين ؟! كل واحد راح لحاله ! كل واحد شق طريقه ! كل واحد إفتكر نفسه ونسى الباقيين ! واللى يقول بكره تتعدل ! واللى يقول الصبر طيب ! واللى يقول كلام ! واللى مايعرفش يقول إيه ! بقينا عايشين فى كلام ! نايمين فى كلام ! ساكنين فى كلام ! كل حياتنا بقت كلام فى كلام فى كلام فى كلام !!! كان عندنا مرؤة ! كان عندنا قلب ! كنا رجالة .. كنا فخر البلد . شرفها وزينتها .. وادى النتيجة اللى وصلنالها دلوقت ! البلد هتروح والأمر لله !!! محدش مكوى ف البلد دى .. إلا اللى مرمى فيها … حاربنا سوا أيام الإنجليز وأيام السلطة .. شوفنا الموت بعنينا ! دفنا مننا ناس ف التلج .. لا خوفنا ولا ولينا !! ليه ؟! لأننا كنا رجالة ووقفنا واقفة رجالة .. وفى الانتخابات اللى فاتت ! بلاش نتكلم ع النتيجة !! لكننا كنا رجالة ووقفنا واقفة رجالة .. لما كانت حياتنا متعلقة بشعرة .. وبينا وبين الموت خطوة واحدة ! ماخوفناش !!! هاجمنا بصدورنا .. ليه ؟! لأننا كنا رجالة ووقفنا واقفة رجالة .
محمد أبو سويلم
(محمود المليجي)

تطهير الداخلية أم الوصول لكأس العالم

الداخلية في مصر عاملة زي البوليس في نيويورك في الثمانيات بتوع البوليس كانوا سبب الفساد وكانوا بياخدوا إتاوة من تجار المخدرات والدعارة وغيرهم حتي تم انتخاب المدعي العام الجمهوري جولياني كعمدة للمدينة وراح جايب رئيس بوليس جديد أعطاه صلاحيات تنظيف وتطهير الداخلية واقرأ بقي ياريس أزاي جولياني ورئيس البوليس نظفوا مدينة نيويورك من الفساد البوليسي وتجار المخدرات والدعارة جولياني عنده شركة امن الآن بدل الحكومة مابتدفع آلاف الدولارات علشان مدرب كرة أمريكاني علشان حلم الوصول لكأس العالم ٠٠٠خلي الحكومة تبعت تجيب جولياني وتقوله تعمل إيه في معضلة الداخلية المصرية لو فعلا أنتوا عايزين مصر تتحسن واللي يخليكوا تدفعوا للكرة ادفعوا للأمن اهو مطلب شعبي علشان السياحة ترجع ونحس فعلا ان إحنا عملنا ثورة ولو مش عاجبكوا كلامي وفروا فلوس الشعب ورجعوا حسن شحاتة للمنتخب وبالمره رجعوا مبارك رئيس تاني وبلاش وجع قلب 
وكاءن ثورة لم تقم

تهنئة من القلب الي الرئيس المخلوع المظلوم

 تهنئة من القلب الي الرئيس المخلوع المظلوم
فاكر انتشار ظاهرة أطفال الشوارع وعدم اهتمامك بهم
فاكر 1400 مصرى شهداء العبارة السلام 98
فاكر  شهداء العبارة سالم اكسبريس
فاكر 400 مصرى شهداء قطار الصعيد
فاكر الوزراء اللي كانوا قاعدين في وزارتك لمدة ٢٥ عاما ولا يملكون كفاءة المهنة
فاكر شهداء حوادث قطارات العياط
فاكر شهداء كارثة الدويقة
فاكر تفجير هيلتون طابا
فاكر  طائرة البطوطى والغدر بقيادات الجيش عليها
فاكر حوادث الطرق اليومية والاف الضحايا بلا تعويض
فاكر سياح شرم اللي ماتوا من هجوم سمك القرش و تعويض ٥٠ ألف دولار  لهم وبتوع الدويقة يا عيني بالعافية أخدوا ٤٠٠ جنيه مصري
فاكر الإسعاف في عهدك كانت لو تعرف أن المصابين أجانب تقوم باسعافهم ولو كانوا مصريين يبقي ليهم ربنا
فاكر  فساد اغلب وزارات وقطاعات الحكومة من شرطة واعلام وثقافة
واسكان ونقل
فاكر الرشاوي والفساد الاداري لاجهزة الدولة نتيجة لضعف المرتبات
فاكر عدم محاسبة اي فاسد تفوح رائحته والاكتفاء بتغيير منصبه
فاكر  خصخصة شركات القطاع العام وسرقة اموالها
فاكر عاطف عبيد
فاكر شركة البيبسي اللي في منطقة مصطفي كامل وابتاعت برخص التراب وليس بقيمتها الحقيقية
فاكر الضرايب العمال على بطال تحت عدة مسميات
فاكر  الضريبة العقاريةواموال التأمينات التي ضاعت في بورصات امريكا
فاكر  تدمير التعليم وتعيين طبيب اطفال بدرجة وزير تعليم
 فاكر  واردات قناة السويس التى تذهب اليكم مباشرا”
فاكر ضرب المدرسين و اغتصابهم للطلاب فى المدارس
فاكر فساد التعليم في عهدك
فاكر إلغاء الابتدائية وبعدين نرجعها تاني من حبيبك سيد قراره لما كان وزير للتعليم
فاكر سيد قراره اللي كان بيحمي نظامك الفاسد وماكنش بيرفع الحصانة عن أي عضو في مجلس الشعب
فاكر فتحي سرور الرئيس الدائم لمجلس الشعب في عهدك الديمقراطي الفاسد لمدة أكبر من ٢٥ عاما
فاكر تردي الخدمة الصحية
فاكر العلاج على نفقة الدولة لغير مستحقية
فاكر اليوم المفتوح لسرقة اراضي الدولة ونهبها
فاكر أراضي مدينتي
فاكر  تقسيم اراضي سيناء لعدد من رجال الاعمال وتهميش الشعب الذي هو السبب في رجوعها الي مصر
فاكر اهمال اهل الصعيد
فاكر ضياع الطبقة الوسطي التي هي عماد اي بلد محترم
فاكر مشروع توشكي الوهمي وضياع المليارات فى الهواء
فاكر اهمال العلااقات مع دول حوض النيل مما ادي الي قيامهم بتهديد مصر بمنع مياه النيل
فاكر تقسيم السودان وتدخل اسرائيل الواضح في القضية وغياب دور
المخابرات المصرية والتي يبدو انها كانت نائمة أو انت كنت عايزها تبقي نائمه
فاكر حصار غزة وايد وزير خارجيتك  الغيط في ايد وزيرة خارجية إسرائيل علي السلم في وضع رومانسي والشعب الفلسطيني بيدبح
فاكر دعم الامريكان لضرب العراق وتقسيمها
 فاكر بيع الغازالمصرى لإسرائيل ببلاش
فاكر ملف سرقةً إسرائيل للثروة المعدنية المصرية في فترة الاحتلال لسيناء وانت رميته في الزبالة
فاكر  محاولات هجرة الشباب وغرقهم في البحر المتوسط
فاكر امتهان  كرامة المصريين في الدول العربية
فاكر امتهان كرامة المصريين في مصر
فاكر شهداء التعذيب
فاكر المعتقلات السياسية اللي انت معملتش غيرها في فترة حكمك بالإضافة للكباري يارءيس الكباري
فاكر انتشار المخدرات و الدعارة
فاكر  قانون المرور الذي يهدف الي سرقة وليس حماية المواطنين
فاكر  مافيا سرقة الاعضاء البشرية
فاكر الشعب المصري اللي بدا يبيع في أعضاءه البشرية في فترة حكمك علشان يعرف يعيش
فاكر تزور الانتخابات والارادة الشعبية ودعم التزوير من الشرطة يبتاع ال٩٩٪
 فاكر تشويه الدستور
فاكر مفيد شهاب ترزي القوانين بتاعك في مجلس الشعب وترقيع قانون التوريث
فاكر ازمات الزبالة علي فاتورة الكهرباء و طوابير الخبز وانابيب البوتاجاز
فاكر المبيدات المسرطنة و الخضروات و الاطعمة الى اصبحت مسرطنة واستيراد البذور من اسرائيل
فاكر لما يوسف والي وزير المبيدات المسرطنة صرح وقال أن إحنا كلنا بنشتغل سكرتارية عند المخلوع بمعني انك كنت علي علم بالمبيدات المسرطنة
فاكر خراب زراعة القطن المصري الشهير
فاكر انتشار فيروس  الكبدي  الوباءي في عهدك A B C
فاكر انقطاع الكهرباء والماء المتكرر في بلد توصف بانها هبة النيل
فاكر المنتجات الصيني المضروبة التي اغرقت الاسواق دون رقيب عن جودتها من الفاسدين رجالتك بتنوع الحزب الوطني
فاكر ارتفاع أسعار  مواد البناء و احتكار الحديد
فاكر العنوسة وظاهرة التحرش في الشارع المصري
فاكر الفقر و الجوع و الذل و المهانة و الواسطة و البطالة
سيادة الرئيس
فاكر ما فعله بنا الغاز المسيل للدموع
فاكر تجاهلك  للشباب المصري يوم 25-1-2011
فاكر اهمالك لسيناء اللي لم تعمرها أو تستفيد منها ،
فاكر الدولة البوليسية اللي اسستها ضد الشعب المصري
فاكر مجهودك الخرافي للتوريث لابنك كان مصر عزبة
فاكر  فتح مصر للزواج الخليجي الصيفي الموسمي من بنات فقيرة في سن ١٢،واكبر شويه بشيوخ كبار في السن
فاكر عدم حل مشكلة سكان المقابر في ٣٠ سنة
فاكر السماح بتواجد  المناطق العشوائية حتي أصبحت مصر الرائدة في المناطق العشوائية
 فاكر محاولة منعي من الدخول الي مصر من خلال رجالك  بتوع مباحث امن الدولة في مطار الإسكندرية لأنني مدون وناشط سياسي ضد فسادك وظلمك وضد الثوريث
فاكر ضرب وتعذيب  واعتقال الشباب المصري المدونيين وسجن بعضهم اللي كانوا ضد فسادك وضد التوريث
عزيري حسني مبارك المخلوع اتمني لك حياة سعيدة  في شقتك الجديدة بأبو بدلة جديدة  ولا تفرح كثيرا بالبراءة أن لقاء الله العادل قريب ٠

الزبالة والنجاسة والفساد

                             الزبالة والنجاسة والفساد
في طفولتي بحي كليوباترا كان هناك شارع جانبي يوجد به  مكان او مقلب للزبالة وأي واحد من سكان الحي لو – عم عليًًًً الزبال  –  كما يلقبونه يمرض لعدة أيام تنتهي وتتراكم الزبالة في هذا المكان    حتي يرجع للعمل مرة أخري ويقوم بتنظيفه.. وفلسفة كثير من الشعب المصري في موضوع النظافة تبدأ من نظافة البيت أو الشقة ورمي الزبالة في الشارع …ولم يتعلموا من جارتنا الإيطالية التي كانت تصحو” مبكراً وتمشي بكلبها الصغير ثم بعد قليل ترفع مخلفاته بكيس بلاستيك ولا تتركها في الشارع ثم تقوم بكنس السلالم من أمام شقتها في الدور الثاني الي الدور الأرضي ثم كنس الرصيف أمام المنزل وتجميع الأتربة والقاذورات في كيس ولا تتركها أيضاً في وسط الشارع أو علي جانب الطريق لانها آذي علي الطريق وهي إيطالية كاثوليكية تعلمت الإسلام ومارسته في حياتها ولم تغير دينها ، أما  معظم الشعب المصري فهو مسلم ولأيطبق تعاليم إسلامه في حياته ومعاملاته اليومية مثلما  كانت تفعل جارتنا الإيطالية وبدلا من أن يتعلم منها أهل الحي اطلقوا عليها لقب الإيطالية المجنونة لانها متحضرة ونظيفة و تحافظ علي حقوق الجار وتمنع أي شخص من ترك  زبالته في مقلب الزبالة.
وتقدمت جارتنا في العمر وذهبت الي دار المسنين  الايطاليين في حي الشاطبي وذهبت  بعد فترة طويلة لزيارتها ولم تتعرف عليًًًً وحمدا لله أنها لم تعرفني لأنني كنت مترددا إذا سألتني عن مقلب الزبالة وماذا فعلت من بعدها فكيف سوف اذكر لها أننا فشلنا ولم نتعلم شيئا منها طوال هذه السنيين.  
وتراكمت الزبالة عام بعد عام يمكن ثلاثين عاما   حتي أصبحت تلا كبير وقررنا نحن شباب الحي أن ننشر  فكر الإيطالية في تنظيف المكان كما كان من قبل واحضرنا الماكينات  وبلدوزر كبير لإزالة الزبالة من هذا المكان لانه اصبح يهدد سكان الحي بالأمراض والأوبئة بل لقد اصبح وجود مقلب الزبالة في هذا المكان يمثل خطراً علي الأمن القومي .
و قررنا أن  نتخلص من الزباله
و بدأنا  فى ازاله الزبالة 
لكن للاسف مع اول ضربه ونش فى تل الزباله ظهرت الروائح الكريهه اللى كانت مستخبيه بعض
سكان الحى اتضايقوا جداااااااا و قالوا ولا يوم من ايام الزباله
في ناس قالت الزبالة ليها رائحة  في الصيف بس ممكن نعمل مصالحة معها طول السنة 
وفي ناس مش عجبها شكل الزبالة فطلبوا أن تتم إزالتها ٠٠٠٠٠٠وفي ناس شايفة أن الزبالة أسلوب حياة ٠٠٠٠وفي ناس شايفة أن الزبالة سبوبة بزنس٠٠٠وفي ناس شايفة أن الزبالة لابد من حرقها وليس إزالتها ٠٠وفي ناس شايفة انه لابد من إقامة حديقة مكان الزبالة حتي يتسنى للشعب استنشاق هواء الحرية اقصد هواء نقي 
وفي ناس تعمدوا إعاقة البلدوز ورموا زبالة أكثر … وفي ناس قالت الزبالة شكلها لايضايقنا علشان إحنا بنقفل الشبابيك أساسا ٠٠٠٠وفي ناس تري وجود الزبالة سوف يزيد انتشار الأمراض المعدية بين أفراد الشعب ٠٠٠وفي ناس عايزة تعطي غطاء قانوني لوجود الزبالة ٠٠٠وفي ناس قالت طالما أن الخنازير تتغذي علي الزبالة فكل من يحاول استخدامها لإطعامهم فهو كافر ..وفي ناس طالبت بالتدخل الأجنبي لان هذا لا يتوافق مع المواثيق الدولية ..وفي ناس جابوا كاميرات تصوير  وقرروا أنهم لازم يصوروا الزبالة لانها أحسن من زبالة أفلام السبكي ووجود الزبالة كواقع نعيشه سوف يحقق إيرادات أعلي من أفلام تاجر المواشي قلب الأسد ….. وفي ناس طالبت بان تلغي هيئة الآثار وإنشاء هيئة الزبالة كمزار سياحي وتعددت الفتاوي والمشاحنات حتي وصلت الي الاشتباك والقتل في بعض الأحيان.
ومنذ ذلك اليوم والمنطقة في صراع علني  تارة وسري تارة أخري بين بعضهم البعض 
بالأمس كانت جنازة جارتي  الإيطالية   وكاءن ثورة لم تقم   ياليتهم ساعدوها علي تنظيف المكان يوميا بدلا من   السخرية منها والانتظار حتي تراكمت الزبالة وانتشرت الروائح الكريهة والفتن والقاذورات والأوبئة والأمراض المزمنة .
                                             خالد عبيد 

القرار للشعب من الشعب الي الشعب



القرار للشعب من الشعب الي الشعب

الامل في شعب مصر …جربنا العسكر ….جربنا الاخوان ….للتحرر من القيود الاوروبية والامريكية  و تنويع مصادر السلاح وفتح السوق لكل الااستثمارات  دون قيود من امريكا واوروبا والتحرر من التبعية لابد من ثورة شعبية خالصة نابعة من الشعب تحكم باسم الشعب لقد شاهدنا سويا خداع الاخوان  واستقوائهم بالغرب ضد الشعب المصري ورغبت الشعب المصري  الواضحة في عزلهم وبعد ان تم فضح تجار الدين عرفنا تماما انه لن ينصلح حال مصر الا من خلال شعبها باستكمال ثورته وقيادة امور البلاد بنفسه دون اي قيود غربية وعزل كل من خان الوطن سواء جمعيات وهمية تاخذ مرتباتها من دولارات الغرب  باسم انها حركات شبابية او داعية للحرية او جمعيات دينية تتجار باسم الدين وخدمة تنظيم دولي اواهداف شخصية وليس لهم انتماء للوطن ..لابد من دولة يحترم قضائها وبها سيادة قانون وليس عليها ضغوط لاخلاء سبيل خاءن او عميل …القرار للشعب من الشعب الي الشعب ..نحن نرفض تمام زيارات الوفود الغربية والعربية والتدخل في الشؤن الداخلية المصرية ونرفض تبعية وزير الدفاع المصري لعدم تنوع مصادر السلاح ونطلب منه ان يفتح سوق السلاح لتسليح الجيش المصري من اي دولة  لخطورة احتكار تسليح مصر علي دولة واحدة فقط لانه يهدد الامن القومي المصري فمن يملك القوة يملك الردع وشاهدنا بنفسنا قرار امريكا بمنع تصدير الفانتوم لمصر بعدخروج الشعب المصري ضد الاخوان في ٣٠ يونيو افيقوا يرحمكوا الله واتقوا الله في مصر وشعب مصر وفقراء مصر ومستقبل اكثر من ٢٥ مليون مصري شابا مصريا تتراوح اعمارهم مابين ١٨ و٢٨ عاما من حقهم ان يساهموا في تطوير واستقرار مصر حافظوا علي امانة البلد وامن البلد وحقوق المصريين وحاكموا كل خائن وعميل  واعملوا بجد واجتهاد لتقدم  مصر واعيدوا امجاد القدماء لتصبح مصر دائما فخر لمصر وللمصريين.

الفقراء أولًا..



الفقراء أولًا..



منذ اللحظات الأولى لثورة 25 يناير المجيدة، كانت شعارات العيش والحرية والعدالة الاجتماعية هي المحددة لأهداف الملايين من جماهير شعبنا، التي خرجت وهتفت بها. وعلى مدار عامين ونصف، من بعد سرقة الإخوان المسلمون لثورتنا، تظاهرنا واعتصمنا مؤكدين أن الثورة مستمرة، وأن الفقراء أولًا، وأنه لا تراجع عن الحرية للشعب والخبز للفقراء، حتى جاءت الموجة الثانية للثورة في 30 يونيو 2013، ليشارك فيها الملايين من فقراء الوطن، متحدون وراء نفس الأهداف.
إننا نؤمن تمام الإيمان أن الثورات لا تقوم من أجل استبدال أشخاص بغيرهم، وها هي جماهير شعبنا قد استوعبت هذا الدرس، تم تغيير قيادات مبارك بقيادات الإخوان، إلا أن السياسات ظلت كما هي، إن لم تكن زادت سوءًا، من حيث إفقار الشعب أكثر لصالح عصابة «الشاطر- مالك» وغيرهما من رأسماليي الجماعة.
إننا نؤكد على استمرارنا في خندق الثورة، حتى تحقيق كامل أهدافها، وعلى رأسها العدالة الاجتماعية، وتوفير حياة كريمة لفقراء مصر المنتجين، أصحاب الحق في السلطة والثروة. ، كما يجب أن تكون السياسات منحازة للفقراء، وكما نحذر من أي مساس بالدعم الموجه للفقراء، مؤكدين أن ذلك خط أحمر لأي حكومة.
الفقراء أولًا.. وإن عدتم عدنا



خالد عبيد