alexmanhatten

اتذكر لما كنت في أولي اعدادي أني ذهبت اشتري من سوق زنانيري في حي كليوباترا  ٢ كيلو طماطم فقام البائع بوضع كيلو طماطم وكيلو بطاطس في كيس واحد وعندما قلت للبائع انني لم اطلب بطاطس فكان رده ان البطاطس نايمه ولازم نمشيها هو كده أحنا قررنا في السوق الطماطم مع البطاطس.

القصة دي بتفكرني بموقف المستشار حسام الغرياني بعد انسحاب القوي السياسية من تأسيسيته التي وظفها لخدمة الاخوان الذين قاموا بتعينه علي رأس الجمعية التاسيسية لوضع دستور طماطم مع بطاطس آى علي مقاس الاخوان وحلفائهم من السلفيين والمتأخونين والمحسوبين علي التيار الاخواني من خلال رئاسته للجمعية التأسيسية التي هي في حكم المتوفي أكلينيكيا الان.

والجدير بالذكر ان المستشار الغرياني كان قاضيا في النقض ورئيسا للمحكمة وهو محسوب علي التيار الاخواني وبعد ان أعلنت القوي السياسية التي تنتمي الي تيارات مدنية مختلفة انسحابها وقرار الكنائس المصرية الثلاثة الارثوذكس والكاثوليك والانجيلية انسحابهم رسميا اصبح المصريين المسيحيين لاول مرة خارج كتابة الدستورالمصري لاول مرة منذ عام ١٨٧٩.

ايضا انسحاب الهيئة الاستشارية للجمعية بقيادة خبراء الدستور والشخصيات الوطنية مثل الدكتور أحمد كمال ابو المجد وحمدي قنديل وحسن نافعة  وغيرهم.

من هنا فأن التشكيل النهائي لفريق المستشار الغرياني  باللجنة التاسيسة الان لو كنت في البلكونة بتشرب سيجارة .   الاخوان بيلعبوا في الملعب مع نفسهم دلوقتي والشعب انسحب من الاستاذ  والحكم المستشار الغرياني مكمل المباراة من غير فريق منافس والشعب مش فاهم الناس دي بتعمل ليه كده في مصر    فهم في صراع مع الزمن قبل ان يصفر الحكم لنهاية المباراة والمقصود بالحكم …..هنا ميعاد نظر قضية شرعية اللجنة التاسيسية  من عدمه من قبل المحكمة الدستورية العليا….. فالغرياني الان عنده ٦٥ او اقل شخصية وهذا يجعل أعمالها بالحسابات العددية جمعية غير شرعية لانه كما نعلم عند التصويت بالقراءة الاولي علي مسودة الدستور يستلزم الامر حضور  ٦٧ عضوا وعند عدم اكتمال هذا النصاب يستلزم الامر حضور ٥٧ عضوا.

وفي جلسة السبت الماضي لم يحضر سوي خمسين عضوا  فقط  وتم تمرير حوالي ستة مواد  واذا استمر الوضع علي ماهو عليه فسوف يخرج لنا دستور بطاطس الاخوان والسلفيين والاعضاء المحسوبة علي التيار الاخواني و تعنت ومكابرةالمستسشار  الغرياني ومجموعته وعدم وجود وعي وطني باهمية ان يكون الدستور يعبر عن كل طوائف الشعب المصري  وليس  لفئة خاصة من الشعب المصري  ولانني ارفض دستور البطاطس لان البطاطس تمثل لي الديكتاتورية والعنصرية والفساد والشعب المصري كله ضد هذا الدستور الاخواني او البطاطس الفاسدة ولتسقط البطاطس وبائعي البطاطس الفاسدة امثال الغرياني والاخوان.

                                                                                                                                                             الفياجرا والاعلامية والجالية

بلغني أيها الملك السعيد ذو الرأي الرشيد 

بأن بعد فضيحة الصيدلي  الاول وصاحبه الصيدلي التاني بتوع المنشطات الجنسية واللي كان بيدي هدايا خواتم سوليتير لبعض أعضاء البعثة السابقة واولادهم في اعياد ميلادهم علشان البيزنس يبقي شغال وعلشان كان نفسه يبقي رجل جمال مبارك في امريكا وكله فساد في فساد .

فجأة بعد عاصفة ساندي ظهرت فضيحة الثائرة الاعلامية  التي  تحمل صورة المخلوع  اثناء زيارته للبيت الابيض لتهنئة اوباما وهي في منتهي السعادة هذه السيدة لاتملك جريدة ورقية اومحطة تليفزيونية ولاتعمل في تحليل الاخبار السياسية محلية ودولية ومش عارف ليه بتسمي نفسها اعلامية وهيا يادوب طلعت في نشرة جوية واحدة علي الفضائية المصرية وكمان هي فلول حتي النخاع وعامله نفسها ثورجية وبتكتب في الثورة علي صفحتها كانها كانت واقفة في الميدان او فقدت عين في محمد محمود .

ومحدش شافها اساسا قبل  او اثناء المظاهرات حتي اليوم الخامس عشر لما اللي كان بياخد فلوس من الاخوان نظم المظاهرة المشؤمة والتي لم تشارك جمعية التغيير فيها وقام هذا الشخص بتلميع كل رجال المخلوع واظهارهم بانهم ثورجية ومنهم الاعلامية التي ملئت صورها الدقهلية والقليوبية  والمناطق  الامريكية وهي رافعة صورة المخلوع في مظاهرة تأييد والناس  بتموت من التعذيب  في الاقسام والفقر  في كل مكان والاعلامية رافعة صورة الجبان 

وتقولها ده عار ترد وتقول انا رحت بصفتي الاعلامية طيب لابسة التي شرت بتاع الجهة المنظمة ليه طيب فين لقائك مع مبارك وحديثك معه وكنت شغالة مع اي جهة اعلامية في ذلك الوقت واين اللينك لكل تغطيتك الصحفية طبعا مفيش .

وبعدين ترد وتقول انا كنت مخدوعة في مبارك ياسلام هي الصورة دي ايام ريجان ولا اوباما وانت يااعلامية ايام اوباما كان فيه حركة كفاية وكانت بتقول كل الحكاية والمطبلاتية بتوعها بيقولوا الصورة فوتو شوب ودول اكيد عندهم شيزوفرنيا سياسية.

في الوقت اللي احنا كــــــــــــــــنـــــــــــا فيه رافعين صورة خالد سعيد ……… الاعلامية بتاعة نشرة الاخبار اليتيمة رافعة صورة المخلوع.

وبعد كده الاعلامية  تنزل مصر وعندها حنفية الوطنية فتحت فجأة بفلوس الفلول علشان تجيب لجنة لمناقشة الدستور وطبعا المنظومة فاسدة من ساسها لراسها والدم في الميدان بيسيل والاعلامية رافعة صورة العميل.

انها منظومة فاسدة في الجالية لاشخاص لايمثلوا الا انفسهم ومصالحهم الشخصية ولم يحققوا اي انجاز للجالية علي مدي العشرين عاما الماضية بل دمروا  الجالية حتي اصبحت الجالية الصومالية أقوي منا.

للاسف انه من العار ان يستمروا علي الساحة هولاء الانتهازيين اصحاب المصالح الشخصية الدنيئة.

وانني بعد  ان حاربت  نظام المخلوع لاكثر من خمسة عشرة عام وشاركت اعدادا وتنظيما في ثورة يناير العظيمة فلن  اتهاون في اي لحظة ان اكشف واحارب الفساد ضد اي شخص يثبت تورطه في الداخل والخارج مهما كان موقعه وليذهب هولاء المرضي الي الجحيم هم وامراضهم الشخصية .

قال اعلامية قال……………….عيشوا بشرف جتكوا القرف…

شاءت الاقدار ان يكتب لي الله يوم جديد في تمام الساعة الخامسة صباحا ولذلك قررت ان البس الشورت وواقي المطر وانزل اتريض لمدة ٢٠ دقيقة في الشوراع المجاورة من منزلي .. وبعد حوالي دقائق معدودة  من بداية  الجري لاحظت شئ غريب ….الشوارع خالية والمحلات التي تفتح ليل نهار عليها يافطة كبيرة مغلق والكراسي فوق الترابيزات ومفيش حد في الشارع  غيري انا …………وهذا في حد ذاته امر يدعو للريبة ولاتوجد سيارات تسير في الشارع والرياح قوية ولكنها ليست شديدة ……….والاشجار تتراقص من قوة الرياح …..وسكون في كل شي حولي ماعدا صوت الحياة يبث من صدري وصوت الرياح يهبط ويعلو كأن الرياح تنصت لي وتتأثر بي  ………وفي هذه اللحظة او ذات مومنت لما تحس ان انت ويل سميث في فيلمه انا ليچنت ونيويورك خالية من اهلها بعد ڤيروس  وبائى قاتل واصبحت مدينة للاشباح فقررت ان اغير اتجاهي واعبر الي شارع اخر لعل وعسي ان اري حياة او مايدلني انه هناك حياة في مكان ما في هذه البلد التي ذهبت للنوم وهي تستعد لعاصفة ساندي وتركتها ومع بداية يوم وصباح جديد تبدو الصورة غير مبشرة بالخير…. وبينما كنت في انتظار اشارة المرور للسماح لي بالعبور للجانب الاخر بالرغم من انه لاتوجد سيارات في الشارع واحساسي بانني الوحيد علي قيد الحياة في هذه المدينة ………..ظهرت سيارة بوليس علي بعد امتار وتوقف رجل البوليس وفتح نافذة السيارة وقال لي هل انت بخير ! فقلت له انا علي مايرام … واكملت رياضتي الصباحية وبدات اجري وانا في راحة نفسية فلقد اعتقدت بان عاصفة ساندي دمرت كل شي خلال نومي بالامس……..ولقد تعجبت من مشهد المدينة الخاوية الخالية بتاثير من الميديا علي اهل نيويورك وبث الرعب في قلوبهم بان يلزموا مساكنهم ولايذهبوا الي اعمالهم وان يشتروا كل احتياجاتهم من المأكل والمشرب ويستعدوا للعاصفة وهذا يوضح لنا اننا امام امر جد خطير وهو انه من السهولة السيطرة علي مجموعة كاملة من البشر من خلال جهاز التلفاز وتوظيفهم لتنفيذ اوامر وتعليمات جهة بذاتها وبلغة العصر انها قوة السوشيل ميديا…

والسؤال الذي يفرض نفسه الان هل انت فعلا انسان تنعم بالحرية في الشرق او الغرب ?????!!!!!!!!!!

فأنت في الشرق يتم السيطرة عليك من خلال الديكتاتور والبوليس ………وفي الغرب يتم السيطرة عليك من خلال السوشيل ميديا والبوليس.

وللحديث بقية بعد العاصفة الجوية.

                                  ذو الرأي الرشيد 

ان الصيدلي بتاع التهريب اللي عامل نفسه من قيادات الجالية اتمسك في مطار القاهرة منذ اعوام ماضية وعمل مصالحة جمركية وتنازل عن الشنط والادوية والمنشطات الجنسية من اجل مصر وفي حب مصر …..وزي ماأنت عارف يامولاي…هو بيحب مصر والمصريين والفقراء والمحتاجين…

والتهريب ايها الملك السعيد بيخسر الحكومة المصرية  ٨ مليار في السنة ….يعني مصر المفلسة عندها حرامية في الخارج والداخل بيسرقوا فيها وفي خيراتها…….. و الصيدلي بتاع التهريب بيسرق فلوس الدعم من الشعب المصري الكادح في جيبه بدل مالفلوس تروح لدعم الفقرأء  واحتياجتهم يعني قمة الانتهازية …..مقابل لما واحد يروح عنده الصيدلية يديله خصم ٥٠٪ وكله من فلوس الحكومة المصرية ……..وبعد كده يعملوا ندوة في حب مصر  ومن اجل مصر ويتغنوا بأنجازات وهمية لصالح مصر والجالية المصرية وكمان لو عنده جمعية امريكية بياخد  فلوس من الحكومة الامريكية تحت بند دعم الخدمات الانسانية وهما مهربين وحرامية …………يعني سرقة من الشعب الامريكي وسرقة من الشعب المصري ……….حرامي دولــــــي يامـــــولاي….

هــــــــذا بالاضافة إلي أنهم لايريدون التنازل عن علاقتهم بالسلطة واهلها لان هذا يضمن لهم كامل الحقوق في وصول المطلوب………..

وبيضحكوا علي بعض الشباب من ابناء الجالية ويقولوا لهم انهم مع الثورة والتغيير ……………وهم مع الثروة والتهليب…

انهم بصراحة فيروس يدمر المجتمع المصري ويهدد  الامن القومي المصري ويجب التعاون لاستئصاله لانهم يستخدمون الاموال المسروقة من الشعب المصري لتوطيد مصالحهم ونفوذهم لكي يستمروا في دائرة الكاميرا لانهم  بيدفعوا لصاحب الكاميرا ثمن الكاميرا….

ولقد قام اتباع صيدلي التهريب بنشر الاكاذيب بين ابناء الجالية بانهم وراء رحيل السفير من نيويورك….

وفي الوقت نفسه يذهب صيدلي التهرب ليقدم فروض الطاعة والولاء ويقدم صكوك الغفران للسفير ويقسم بانه لادخل له من قريب او بعيد باي شئ 

وهــنــا اعتدل شهريار علي الاريــــكة 

ونظر إلي شهر زاد نظرة عميقة

وقال لها هل من الممكن ان اقول كلمة بذيئة 

عن صيدلي التهريب اللي بيسرق وبيلعب مزيكا 

فقالت انها مملكتك يامولاي

فقال لها شـــهريار

انت عمرك شفتي ســـــفالة اكتر من كـــــــــــده 

فقالت له شهر زاد يامولاي احـــمد زكــــــي قال نفس الجملة.. 

وهـــنـــا ادرك شهر زاد الصباح…….فســـكتت عن الكلام المباح…

                                                                         

ممكن تساعد المفتش كرومبو في الوصول الي الصيدلي اللي  كان بيوزع ادوية ومنشطات للنظام السابق واللي راسم نفسه علي انه بيساعد المحتاجين وهو كبير المهربين والي استفاد من النظام واولاد العار واللي فضيحته وصلت لعادل حموده اللي اتعرف عليه ايام زيارات المخلوع واللي رافع رايات الوطنية في الولايات الامريكية وهو اساسا من منظومة الحرامية وعار علي الجالية المصرية  وحان الاوان انه يغور ويختفي عن الانظار بعد حادثة المطار لانهم عار ورجس من الشيطان وفيروس مدمر للجالية ويجب عليهم الاستئصال في اقرب حال

وبيفكرني بزكي رستم في رصيف نمرة  خمسه لما بيصلي  والسبحة لاتترك يده ليل نهار وهو اساسا رئيس العصابة  البعيد عن الانظار.

وهذه تذكرة للجالية ان تعرف مع من تتعامل ومن هو الحرامي المغمار ومن هو سارق مال الشعب في الليل والنهار.

فهذه القاذورات ليس لها مكان بين ابناء الجالية فمكانهم هو سلة المهملات لانهم عــار وخــيــانــــــــــة

فلو عرفت تساعد المفتش كرومبو في كشف حقيقة الصيدلي المهرب بتاع المنشطات وده واجب عليك يامصري بعد الثورة وخليك زي عادل حمودة  كشاهد عيان اوع تخاف من جبان بيسرق فلوس الشعب الغلبان وواجبك تحارب الفساد في كل مكان اتصل الان بالمفتش كرومبو وبلغه في الحال عن صيدلي النظام ولو تليفونه شغال او مليان اتصل بالمساعد الهمام حلمبوزه واديله معلوماتك في الحال لان المهرب فاكر الفساد والتهريب وسرقة الشعب الغلبان فهلوة زي شلة الحرامية بتاعة نظام المخلوع زمان …….ومش عارفين انهم راحوا في خبر كان…………………….. وعيشوا بشرف جتكم القرف ياحرامية يارعاع.

بلغني ايه الملك السعيد ذو الراي الرشيد 

بان المصريين الامريكان جالهم جنان لما عرفوا ان مرسي حيزور بلاد الملائكة والجان ………وكلهم جالهم حالة هيجان ………و الموضوع بقي مرستان …….وكله عايز يحضر الاجتماع ….ويطلع في الصورة كمان ……ومش مهم القاعة تتكلف كام ……والبلد في حالة افلاس تام …والقرض من البنك الدولي حيرجعنا لوراء عشرين سنة كمان ……….وفي جمعية بتجمع توقيعات واسماء لو انت عايز تقابل الرئيس مرسي  احنا حنقق حلم حياتك  وحياة اولادك  واكتر من كده كمان وكمان وسلم لي علي الترماي ……..وفي صفحات علي الفايس بوك بتقول لو عايز تقابل الرئيس احنا نساعدك ونوصل طلبك للمنازل كمان  واه منك يازمان ……….وفي ناس بتقول علي نفسها ثوار وهما كل الي عملوه ظهروا علي الساحة في اخر المشوار وبعد المخلوع ماراح في خبر كان وبيصرخوا في كل مكان عايزين نقابل مرسي المغوار  علشان ياخدوا صورة يحطوها علي صفحات الفايس بوك وهما كده بيدعوا الثورة  والغليان  وكله لتحقيق مصالح ذاتية وكتر  المهلبية  والانتهازية…………والفلول كمان عايزين يقبلوا مرسي باي ثمن كان بعد مادمروا الجالية لمدة عشرين عام ………..والجالية الصومالية اصبحت اقوي مننا والمصريين الامريكان في تفكك وتوهان وتقول للفلول ابعدوا بعيد عن الجالية بعد مانزلتونا دوري المظاليم واصبحت الجالية مفككة من غير دليل ولا تاثير  …..وتقول لمين وتشرح لمين كلهم عايزين صورة ليهم مع الزعيم ونفس اخطاء النظام القديم في التبذير والاسراف من فلوس الشعب المسكين ……………وتقول لواحد منهم ساعد مصر والمصريين في المرحلة الحرجة اللي عليها داخلين ويرد ويقول انا وطني اصيل زي طمي النيل وكله في الاونطه ومفيش ضمير …..والفقير حيفضل فقير علشان  انا مصري حقير بتاع مصلحة خاصة  وجرجير …..والمهم انا واهلي نعيش والفقير مش مشكلتي ولا  مشكلة حد غير الحكومة اللي حتصرف دولارات الشعب الغلبان  في القاعة علشان انا اتصور صورة حلوة مع الرئيس  الهمام ………..ومش مهم مصر والفقير يروح في خبر كان …….والمهم انت تضحك ياجبان……….. علشان الصورة تطلع حلوة……