.
السيسي ويونس شلبي واحمد عدوية
يونس شلبي في مسرحية مدرسة المشاغبين حقق النجومية من خلال أداءه لشخصية الانسان الذي لا يستطيع ان يكون جملة مفيدة مفهومة كاملة ولم أكن اعلم ان الحال سوف ينتهي بمصر الي رئيس لمصر وليس طالب ثانوي فاشل لايستطيع عندما يترك الخطاب المكتوب أمامه ويتكلم بالعامية اثناء الخطاب يعاني من نفس مشكلة ( الولد منصور) يونس شلبي مابيجمعش ،، ويخرج عن النص وتصبح عباراته غير مفهومة مثل الكلمات المتقاطعة ،،
1000عربية خضار لخريجي الجامعات” هى جزء من البرنامج الانتخابى الذى قدمه السيسي أثناء ترشحه للرئاسة وقد لاقت سخرية كثير من الشباب عبر شبكات التواصل الاجتماعى في طريقة فكره لحل مشكلة خريجي الجامعات،،
ثم جملة السيسى الشهيرة اثناء عرض برنامجه الانتخابى
” انا مش قادر اديك … مش مش عايز” لتكون من أشهر الجمل التى يتم تدولها بين الشباب والتى جاءت فى سياق سؤاله عن رؤيته لحل الازمات فى مصر فى حال وصوله للحكم . اي رئيس المفروض بيقدم لك حلول وبدائل بيقدم فكر استراتيجي بيقدم حلول للبطالة مش يقولك انا مش قادر أديك ،،،، مش مش عايز ،،
يارب حضرتك تساعدنا قالها السيسي كدعاء عندما تحدث عن الأزمة الاقتصادية في مصر، توجه “السيسي” بالدعاء إلى الله عز وجل، قائلاً: “يا رب ظروفنا صعبة، يا رب حضرتك تساعدنا”، خلال حفل تخريج دفعة جديدة من الكلية الحربية.فكرني بقصة واحد مصري بيصلي ساعة السجود جماعة في المسجد سمع اللي جنبه بيقول يارب انا مش حقول حاجة انت عارف كل حاجة ،
لا والله ما حكم عسكر
وردًا على وصف كثيرين ما حدث 3 يوليو بالانقلاب العسكري، والحكم العسكري قال “السيسي” حالفًا اللي بيقول حكم عسكر.. “لا والله ما حكم عسكر”. وكاءن القضية انتهت بهذا بالرغم انه يعلم ان الجيش يسيطر علي نسبة 60 من الاقتصاد المصري ونسبة 98 كمحافظين من الجيش والشرطة بمحافظات مصر،وان مصر يحكمها خامس رئيس عسكري ،
،كل اللى ميرضيش ربنا احنا معاه وبندعمه
انا مش فاهم هو عايز يقول ايه ،،، أثناء كلمته خلال المؤتمر بعد 3 يوليو الذي حضره قادة الجيش والشرطة، حيث قال بالعامية :” اللي ميرضيش ربنا احنا هنبقى موجدين معاه وندعمه ونأيده”.
أنا مش هحلف بس أقسم بالله
جملة قالها “السيسي” خلال لقائه مع الإعلامي “ياسر رزق” أثناء إجراء حوار معه وتم تسريبه، ماهو الفرق بين الاثنين الحلف والقسم،،،
ربنا قالى أنا هخلي الملايكة معاكم
وخلال لقائه مع ذوي الاحتياجات الخاصة قال “السيسي” موجهًا كلامه “ربنا قالى أنا هخلي الملايكة معاكم .. عاوزين نوجه أحلى تحية للملائكة ،، هل يقصد الملائكة في السماء والا الملائكة الاطفال ذو الاحتياجات الخاصة وايه حكاية نوجه احلي تحية ،،
الكلام عندى بيعدى على فلاتر
وردًا على سؤال أحد الإعلاميين، عن سبب التأخر فى الكلام قال “السيسي” خلال لقائه وفدًا من الأدباء والمثقفين، عن سر تأخره في الكلام قائلا: “لأن أنا الكلام عندي بيعدي على فلاتر .. فلتر الصدق .. فلتر الأمانة .. فلتر الحق .. وده يرضي ربنا أقوله ولا لأ .. تصور حضرتك كل كلامي كده .. بتعذب اوي عشان بتكلم”. يعني كل الأخطاء
والكلمات والجمل غير المفهومة وعنده فلتر للكلام ،، طيب لو مفيش فلتر كان عمل معانا ايه ،
أيوه أنا عايز ارفق بيه واحن عليه
وأصل “السيسي” كلامه عن غنى الناس وقال: “أنا عايز الأول الأول ..أغني الناس … أيوة ان عايز ارفق بيه واحنو عليه”.هو السيسي عارف نسبة الفقر في مصر وصلت لكام والناس اللي ساكنة في العشوائيات والمقابر ونسبة البطالة للعلم السيسي اعتمد ميزانية حجم الأموال المقدمة لوزارة الداخلية تعادل مايقدم لوزارة الصحة والتعليم مجتمعين وفي الاخر يقولك الشعب عايز اللي يحنو عليه،،
ثم ماقاله السيسي في احتفالية الأزهر بالمولد النبوي الشريف وتصريحه لرجال الدين،،،
مش معقول الفكر اللي إحنا بنقدسه ده يدفع بالأمة انها تبقي مصدر للقلق للقتل و التدمير . مش باقول الدين أنا باقول الفكر ده تم تقديسه نصوص و أفكار تم تقديسها علي مئات السنين و أصبح الخروج عليها صعب قوي لدرجة أنها بنعادي الدنيا كلها . يعني ٦ و ١ من عشرة مليار هيقتلوا الدنيا كلها اللي فيها سبعة مليار علشان يعيشوا هما مش ممكن الكلام ده “”
الكلام اللي مش راكب علي بعضه وكله عك ده ،، وفين تصريح الأزهر ومتحدث الرياسة بتصحيح الخطاء في كلام السيسي ،، وفين المستشارين ينصحوه مايخرجش عن الورقة المكتوبة أمامه علشان أخطاءه قاتلة وتثير السخرية وتأزم الأمور ،،
وأخيرا وليس آخراً
واحدة بتقول للسيسي أنت الصادق الأمين يقولها وهبقى القوي الأمين والثالثة تقوله والحفيظ العليم والسيسي يرد ويقولها ان شاء الله ،،وانا أقوله استغفر الله العظيم ،
الخطابة لها اُسلوب وطريقة واختيار الفاظ ومعاني واحترام للمستمع والحاضر احنا مش راكبين عربية ميكروباص مع سواق معاه ابتدائية ومشغل شريط احمد عدوية سيب وانا سيب ،
خالد عبيد
Www.alexmanhatten.com
